Dil-e-umeed tora hai kisi ne

Dil-e-umeed tora hai kisi ne 

Sahara de kay chora hai kisi ne 

Na manzil hai na manzil ka nishaan hai 

Kahan pe laa kay chora hai kisi ne 

Main un sheesha garon se poochta hoon 

Keh toota dil bhi jora hai kisi ne 

Qafas ki teeliyan rangeen kiyon hain 

Yahan pe sar ko phora hai kis ne 

Chaman main ba'khuda shabnam nahin hai 

Yahaan daman nichora hai kisi ne 

Hai dewano ko zanjeeron se nisbat 

Yeh rishta bhi khoob jora hai kisi ne 

Mohabbat main mujhay bar'baad kar kay 

Lahoo dil ka nichora hai kisi ne 

Bhari mehfil main majnoo ne pukaara 

Meri laila ko dekha hai kisi ne