Dil-e-Umeed ToDa Hai Kisi Ne...!!
February 18, 2019
dil-e-umeed toDa hai kisi ne
sahara de ke ChoDa hai kisi ne
na manzil hai na manzil ka nishaaN hai
kahaN pe la ke choDa hai kisi ne
maiN un sheesha garooN se pochta hooN
ke toota dil bhi jooDa hai kisi ne
qafas ki teeliyaaN rangeen kyuN haiN
yahaN pe sar ko phoDa hai kisi ne
chaman meiN bakhuda shabnam nahi hai
yahaN damman nichora hai kisi ne
hai dewanoo ko zanjerooN se nesbat
yeh rishta bhi khoob joDa hai kisi ne
mohabbat meiN mujhe barbaad kar ke
lahuu dil ka nichooDa hai kisi ne
bhaRi meHfil meiN majnu ne pukara
meri laila ko dekha hai kisi ne...!!
0 Comments